ئەنجوومەنی راژەی فیدراڵیی عێراق، دامەزراندنی 560 کەس لە خاوەن بڕوانامەی باڵا و یەکەمەکانی راگەیاند.
بەگوێرەی راگەیەندراوێکی ئەنجوومەنی راژەی فیدراڵیی عێراق، لە کۆبوونەوەی ئەمڕۆدا بڕیاردراوە بە دامەزراندنی زیاتر لە 560 کەس لەوانەی مامەڵەیان بەگوێرەی یاساکانی ژمارە 59 و 67ـی ساڵی 2017 پێشکەشکردووە.
ئەنجوومەنەکە ئەوەی خستووەتەڕوو، هەفتەی داهاتوو لیستی ناوەکان بۆ وەزارەت و دامودەزگا پەیوەندیدارەکان دەنێردرێت و پرۆسەی دابەشکردن و دەرکردنی بڕیارەکانی دامەزراندن لە رۆژانی داهاتووشدا بەردەوامی دەبێت، هەروەها دڵنیایی بە دەرچووە یەکەمەکان و هەڵگرانی بڕوانامە باڵاکان دەدات، بە زووترین کات پرسی دامەزراندنی سەرجەمیان یەکلایی دەکەنەوە.
ئەمە یەکەمجار نییە ئەنجوومەنەکە دامەزراندن بۆ یەکەمەکان و خاوەن بڕوانامە تایبەتەکان رابگەیەنێت، بەر لە سێ رۆژیش دامەزراندنی 570 کەسی لەسەر میلاکی وەزارەتی خوێندنی باڵا راگەیاند.
Copyright © 2020 Kirkuk Tv All Rights Reserved Designed And Developed By AVESTA GROUP