ژمارەی ئەو کەسانە راگەیەندرا کە کارتی دەنگدانیان وەرگرتۆتەوە

کۆمسیۆنی باڵای سەربەخۆی هەڵبژاردنەکانی عیراق ژمارەی ئەوکەسانەی بڵاوکردەوە، کە تائێستا کارتى دەنگدانیان وەرگرتووەتەوە.
کۆمسیۆنی باڵای سەربەخۆی هەڵبژاردنەکانی عیراق رایگەیاند، لەسەرەتای ئەمساڵەوە لە 2024/1/1  بۆ  2024/7/25، (306) هەزار كەس كارتی دەنگدانیان وەرگرتووەتەوە.
هاوکات ئاماژەی بەوەشداوە،  وەرگرتنەوەی کارتی دەنگدا لە پارێزگای هەولێر: 169 هەزارو 198 كەس و لە سلێمانی: 107 هەزارو 649 كەس و لە  دهۆك: 29 هەزارو 653 كەس، هەروەها بەپێی داتاکان ژمارەی دەنگدەران لەسەر ئاستی دەنگدانی گشتی و تایبەت بەم شێوەیەبووە، دەنگدانی گشتی : 218 هەزارو 299 كەس و دەنگدانی تایبەت: 74 هەزارو 58 كەس و ئاوارە: 14 هەزارو 143 كەس.