سنووری ئیداریی پێنج ناحیەی کەرکوک رێکدەخرێتەوە

بڕیاره‌ سنووری ئیداریی پێنج ناحیەی سه‌ربه‌ کەرکوک رێکبخرێنه‌وه‌و پرۆژه‌ی خزمەتگوزاری و نۆژه‌نكردنه‌وه‌شیان بۆ زیاتر بكرێت.

وەزیری پلاندانانی عێراق نەخشەی رێکخستنەوە و نوێکردنەوەی سنووری ئیدارەی ناحییەکانی (قەرەهەنجیر و پردێ و شوان و یایچی و مولتەقا)ی سەر بە پارێزگای کەرکوکی پەسەندکرد.

بەپێی بەیاننامەیەکی وەزیری پلاندانانی عێراق، مەبەست لە نوێکردنەوە و رێکخستنەوە و دیاریکردنی سنوری ئیداری ناحییەکان، گەشەپێدان و ئاوەدانکردنەوەی زیاتری ئەو ناوچانەیە و هەروەها کردنەوەی فەرمانگەکانی شارەوانی تێیانداو پێشکەشکردنی خزمەتگوزاری زیاترە بە دانیشتوانیان.