تەندروستی جیهانی بەهۆی پەتای ئاوڵەی مەیمون باری لەناکاوی جیهانی رادەگەیەنێت

رێکخراوی تەندروستیی جیهانی بڵاوبوونەوەی نەخۆشی ”ئاوڵەی مەیمون لەزیاتر  ١٢ وڵات ڕاگەیاند.
تێدرۆس ئەدهانۆم، سەرۆکی رێکخراوی تەندروستیی جیهانی ڕایگەیاند: نەوەیەکی نوێی نەخۆشی ئاوڵەی مەیمون لە کۆماری کۆنگۆ و چەند وڵاتێکی دیکەی کیشوەری ئەفریقا بڵاوبووەتەوەوە تاوەکو ئێستا بەهۆی ئەو نەخۆشیەوە زیاتر لە ٥٠٠ کەس گیانیان لەدەستداوە، کە لەنێوانیاندا ، منداڵ و کەسی بەتەمەنن.
ئاماژەی بەوەشکرد:بارودۆخەکە حاڵەتێکی لەناکاوی تەندروستیی جیهانییە و بووەتە جێگەی نیگەرانیی نێودەوڵەتی و ئەگەری زۆر هەیە بۆ وڵاتانی ئەوروپی و ئاسیا تەشەنەبکات.
ئەدهانۆم لە بەشێکی دیکەی قسەکانیدا باسی لەوەکرد: بەراورد بە ساڵی رابردوو ئاوڵەی مەیمون 160% زیادیکردووە.
پەتای مەیمون، نەخۆشییەکی ڤایرۆسی گوازراوەیە کە لە ئاژەڵەوە بۆ مرۆڤ دەگوازرێتەوە، بەهۆی بەریەککەوتنی راستەوخۆشەوە لە مرۆڤەوە بۆ مرۆڤ دەگوازرێتەوە.
بەرزبوونەوەی پلەی گەرمی لەش، ئازاری ماسولکە و دەرکەوتنی برین لەسەر پێست لە گرنگترین نیشانەکانی ئەو نەخۆشییەیە.