بەھۆی
ئەوەی یانەی ریاڵ مەدرید خاوەنی ھەریەکە لە کیلیان ئێمباپێ و رۆدریگۆ و ڤینیسیۆس و
بیلینگھامە لەپێکھاتەی سەرەکی تیپەکەیدا , بوار بۆ یاریکردنی ئیندریک فلیپی
مۆرێرای بەرازیلی و ئەستێرەی نوێی شاھانەییەکان نەماوەتەوە و ئەگەر ھەیە بەھۆی ئەو
بارودۆخەوە ئەستێرە 18 ساڵانەکەی مەدرید بەشێوەیەکی خواستن یانەی ریاڵ مەدرید
جێبھێڵێت و روو لە تیپێکی دیکە بکات , لەماوەی دەستپێکردنەوەی وەرزی نوێی خولی
ئیسپانی و ئەنجامدانی یاری کۆتایی جامی سوپەری ئەوروپی کارڵۆ ئەنچیلۆتی راھێنەری
ریاڵ مەدرید بۆ خولەکێکیش بواری بە یاریکردنی ئیندریک نەدا , ئەمەش نارەزایی
ناوبراوی لێکەوتەوە , لەھەواڵێکی ئەمرۆی رۆژنامەی مارکادا ھاتووە ئیندریک
بەبەرێوبەری کارەکانی راگەیاندووە ئامادەیە ئەم وەرزە بەشێوەی خواستن یاری بۆ
تیپێکی دیکە بکات , لەدوای ئەو ھەواڵەش ڕاستەوخۆ یانەی ئیسپانیۆڵی ئیسپانی ئامادەیی
خۆی بۆ وەرگرتنی تواناکانی ئیندریک دەربڕی , مارکا ئاشکراشی کردووە لەماوەی چەند
رۆژی داھاتوودا بابەتی مانەوە و رۆیشتنی ئیندریک بەشێوەی خواستن لەم وەرزەدا
بەتەواوەتی یەکلایی دەبێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP
