هیندستان كار لەسەر دروستكردنی ڤاكسینێک بۆ چارەسەری نەخۆشیی ئاوڵەی مەیموون دەکات و بڕیارە سەرەتای ساڵی داهاتوو بیخاتە بازاڕەوە.
ئادار پوناواڵا، بەڕێوەبەر لە پەیمانگەی سیرۆم لە هندستان ڕایگەیاند: سەرقاڵی پەرەپێدانی ڤاكسینێكی تایبەت بە ئاوڵەی مەیموونین و كۆتایی ئەمساڵ ڤاكسینەكە دەخەینە بازاڕەوە.
ئاماژەی بۆئەوەشکرد:بە لەبەرچاوگرتنی ئەو دۆخەی کە لە جیهاندا بەهۆی بڵاوبوونەوەی نەخۆشی ئاوڵەی مەیمونەوە راگەیەندراوە، دەستمانکردووە بە پەرەپێدانی ڤاکسینێک دژی ئەو نەخۆشییە و لەداهاتوودا دەرەنجامی ئەرێنیمان دەستبکەوێت.
پێشتر حکومەتی هیندستان کۆمەڵێک بڕیاری بۆ جیاکردنەوەی ئەو کەسانە دەرکردبوو کە گومانی تووشبوون بە نەخۆشی ئاوڵەی مەیمونیان لێدەکرا، هەروەها پەیمانگای نیشتمانی بۆ ڤایرۆسناسی راسپێردرابوو بۆ پشکنینی نمونەی ڤایرۆسی نەخۆشییەکە.
لە ئێستادا لە بەشێک لە وڵاتانی جیهان ڤاكسینی كۆڕۆنا بۆ لاوازكردنی ڤایرۆسی ئاوڵەی مەیموون بەکاردەهێنرێت، بەڵام تاوەکو ئێستا تەندروستیی جیهانیی دانی بە ڤاكسینەكەدا نەناوە.
Copyright © 2020 Kirkuk Tv All Rights Reserved Designed And Developed By AVESTA GROUP
