لیوا یه‌حیا ره‌سوڵ: عیراق ئاستێكی به‌رز له‌ سیستمی به‌رگری ئاسمانیدا تۆمارده‌كات

لیوا یه‌حیا ره‌سوڵ وته‌بێژی فه‌رمانده‌ی گشتی هێزه‌ چه‌كداره‌كانی عیراق له‌ لێدوانێكی رۆژنامه‌وانیدا رایگه‌یاند: محه‌مه‌د شیاع سودانی فه‌رمانده‌ی گشتی هێزه‌ چه‌كداره‌كان گرنگییه‌كی زۆر به‌ دۆسیه‌ی ته‌واوكردنی تواناكانی به‌رگری ئاسمانی و هێزی ئاسمانی ده‌دات، له‌ئێستاشدا عیراق ئاستی پێشكه‌وتوی به‌رگری ئاسمانی به‌ده‌ستهێناوه‌, جگه‌ له‌ دانانی ڕادار له‌ ئاسته‌ به‌رز و مامناوه‌ند و نزمه‌كانیاندا".
وتیشی: پێشكه‌وتنی ته‌كنیكی زۆر له‌ڕوی سیستمی به‌رگری ئاسمانیه‌وه‌ هه‌یه‌، به‌رده‌وامی بنیاتنانی تواناكانی به‌رگری ئاسمانیش به‌ شێوه‌یه‌ك ده‌بێت كه‌ ئاسمانی عیراق مسۆگه‌ر بكات و به‌رگری له‌ سه‌روه‌ری عیراق بكات".
پێشتر محه‌مه‌د شیاع سودانی سه‌رۆك وه‌زیرانى عیراق و فه‌رمانده‌ی گشتی هێزه‌ چه‌كداره‌كان، به‌رده‌وامی به‌هێزكردنی توانای به‌رگری ئاسمانی و چاودێری ئاسمانی له‌ چوارچێوه‌ی قۆناغی كۆتاییهێنان به‌ ئه‌ركی هاوپه‌یمانی نێوده‌وڵه‌تی له‌ عیراق پشتڕاستكرده‌وه‌.