د.نەرمین مەعروف: لەمەودوا هەرێمی کوردستان 50%ـی داهاتی باج دەداتەوە بەغداد

د. نەرمین مەعروف، ئەندامی لیژنەی دارایی ئەنجوومەنی نوێنەرانی عێراق رایگەیاند: کۆبوونەوەی لیژنەی دارایی ئەنجوومەنی نوێنەران بە میوانداری سەرۆکی دەستەی گشتی باجەکان و سەرۆکی دەستەی گشتی گومرگ لە حکومەتی عێراق ئەنجامدرا و ئامانج لە کۆبوونەوەکە، کۆکردنەوەی داهاتە نانەوتییەکان بوو لە چوارچێوەی یاسای بودجەی گشتی ئەمساڵ".
وتیشی: سەرۆکی دەستەی باجەکان ئاشکرایکرد بەگوێرەی رێکكەوتنێکی پانزە خاڵی لە هەرێم و عێراق رێکارەکانی سەپاندنی باج لە هەردوو حکومەتی هەرێمی كوردستان و عێراق یەکدەخرێت و لەرۆژی 3ـی ئەیلوول هەرێمی کوردستان لە 50%ـی داهاتی باج دەداتە حکومەتی عێراق".
باسیلەوەشکرد: هەر بەگوێرەی رێکكەوتنەکە هەردوو حکومەت بەڵگەنامەی ئەستۆپاکی باجی سەر کۆمپانیاکان، کە چالاکییان هەیە لە شارەکانی هەرێمی کوردستان و دەرەوەی هەرێم پەسەند دەکەن و ئەوەش کۆتایی دێنێت بە کێشەی دووفاقی لە وەرگرتنی باجدا و هەر کۆمپانیایەک بەگوێرەی چالاکییەکانی باجی لێ وەردەگیرێت".