کەشناسی عیراق: لەرۆژی پێجشەممەوە کۆتایی بە گەرمای هاوین دێت

ناوەندی راگەیاندنی دەستەی کەشناسی عیراق لەراگەیەندراوێکدا بڵاویکردەوە، پێشبینیدەکرێت لەڕۆژی پێنجشەممەوە کە دەکاتە ١٢ی ئەم مانگە، پلەکانی گەرما لەپارێزگاکانی ناوەڕاست و باشوور و ھەرێمی کوردستان داببەزن و کۆتایی بەگەرمای ھاوین بێت .
بەپێی دەستەی کەشناسی عیراق، نزمبوونەوەی پلەی گەرما لەعیراق لەکاتێکدایە کە ئەم دوو رۆژە پلەکانی گەرما بە بەرزی دەمێننەوە.
هەروەها عەلی جابر كە شارەزایەكی كەشناسییە دەڵێت: بەرزی پلەكانی گەرما تەنیا سبەی سێشەممە بەردەوام دەبێت، لە دوو سبەی چوارشەممەوە پلەكانی گەرما بەشێوەی رێژەیی روو لە دابەزین و نزمبوونەوە دەكەن .
دەشڵێت: رۆژی پێنجشەممە پلەكانی گەرما 2 پلە دادەبەزن، بۆ نموونە لەبەغدای پایتەخت پلەی گەرما دەبێتە 39 پلەی سیلیزی، ئەم دابەزینانەش بۆ رۆژانی داهاتوو بەهەمانشێوە بەردەوام دەبێت.
باسی لەوەشکردووە: لە ئێوارەی رۆژی هەینی داهاتووەوە بەتەواوی هەست بەفێنكی وەرزی پاییز دەكرێت و گەرما كۆتایی دێت.