وڵاتانی گرووپی G7 لەبارەی فراوانبوونی جەنگی لوبنان هۆشداریی دەدەن

وەزیرانی دەرەوەی وڵاتانی گرووپی G7 هۆشدارییان لەبارەی فراوانبوونی گرژییەکانی لوبنانەوە دا و رایانگەیاند، کار و کاردانەوەکانی ئیسرائیل و حیزبوڵا ناوچەکە بەرەو جەنگێکی گەورە رادەکێشێت.
ئەمڕۆ لە پەراوێزی کۆبوونەوەی لوتکەی ئەنجوومەنی گشتی نەتەوە یەکگرتووەکاندا، وەزیرانی دەرەوەی وڵاتانی گرووپی G7 لەبارەی گرژییەکانی نێوان ئیسرائیل و لوبنانەوە راگەیەندراوێکیان بڵاوکردەوە و تێیدا ئاماژەیان بۆ ئەوە کردووە، کار و کاردانەوەکانی نێوان هەردوو لایەنی جەنگەکە مەترسی ئەوەی هەیە تەواوی رۆژهەڵاتی ناوەڕاست بەرەو جەنگێک رابکێشێت کە دەرئەنجامەکانی چاوەڕوان نەکراو بێت.
وڵاتانی گرووپی حەوت کە هەریەک لە ئەمریکا، کەنەدا، ئیتاڵیا، فەڕەنسا، ژاپۆن و یەکێتی ئەوروپا دەگرێتەوە، داواشیانکرد بەپەلە توندوتیژییەکان رابگیرێن.
ئەمە لەکاتێکدایە، پێشتر هەریەک لەوڵاتانی ئەمریکا، بەریتانیا، فەڕەنسا، رووسیا و یەکێتی ئەوروپا هۆشدارییان لەبارەی مەترسییەکانی فراوانبوونی گرژییەکان داوە و داوای وەستاندنی جەنگەکەیان کردووە.