تەندرووستیی لوبنان: لە هێرشەکانی ئیسرائیلدا 492 کەس کوژراون

وەزارەتی تەندروستی لوبنان دەڵێت، لە زنجیرە هێرشەکانی ئیسرائیلدا، 492 کەس کوژراون، کە 35یان منداڵ و 58یان ژنن. هەروەها هەزار و 645 کەس برینداربوون. ئیسرائیلیش دەڵێت، لە هەزار و 300 ئامانجی حیزبوڵڵایان داوە درەنگانی دوێنێ شەو وەزارەتی تەندروستیی لوبنان رایگەیاند: ئیسرائیل هێرش دەکاتە سەر شارۆچکەکان و گوندەکانی بیقاع و بەعلبەک لە رۆژهەڵات. 492 کەس کە 35 منداڵ و 58 ژن لەخۆ دەگرێت، شەهید بوون. هەروەها، هەزار و 645 کەسیش بریندار بوون".
 دانیێل هاگاری وتەبێژی سوپای ئیسرائیلیش لەپەیامێکی تەلەفزیۆنیدا رایگەیاند: هێرشەکان لە هەزار و 300 ئامانجی حیزبوڵڵایان داوە".
پێش هاگاری سوپای ئیسرائیل رایگەیاند، چەندین باڵەخانە، ئۆتۆمبێل و ژێرخان کراونەتە ئامانج کە مووشەک، رۆکێت و درۆنیان لەخۆگرتبوو و ببوونە هەڕەشە.
 لە بڵاوکراوەیەکی دیکەدا، یواڤ گالانت وەزیری بەرگریی ئیسرائیل رایگەیاند: ئەمە قورسترین هەفتەیە بۆ حیزبوڵڵا، ئەنجامەکانیش دیارن. دەیان هەزار رۆکێتمان لەنێوبردووەو چەندین یەکەی چەکداریمان تێکشکاندووەو چەندین تیرۆرستمان بریندارکردووە.