رۆژنامه‌یه‌كی ئێرانی كوژرانی فه‌رمانده‌یه‌كی باڵای سوپای پاسدارانی پشتراستكرده‌وه‌

ڕۆژنامه‌ی "كه‌یهان"ی ئێرانی، كوژرانی عه‌مید عه‌باس نیلفروشان جێگری فه‌رمانده‌ی ئۆپراسیۆنه‌كانی سوپای قودسی پاسدارانی له‌ لوبنان پشتڕاستكرده‌وه‌.

رۆژنامه‌ی كه‌یهان، بڵاویكرده‌وه‌ كه‌:" سوپای ئیسرائیل ئێواره‌ی دوێنێ هه‌ینی له‌ بۆردومانێكدا بۆسه‌ر باره‌گای سه‌ركردایه‌تی حزبوڵا له‌ گه‌ڕه‌كی باشوری به‌یروت، كوژرانی حه‌سه‌ن نه‌سروڵڵای ئه‌مینداری گشتی حزبوڵای ڕاگه‌یاند، كه‌ له‌نێو كوژراوه‌كانی ئه‌و باره‌گایه‌، عه‌مید عه‌باس نیلفروشان فه‌رمانده‌ی سوپای قودسی پاسداران له‌ لوبنان هه‌یه‌".
 
عه‌باس نیلفروشان له‌ ساڵی 1966 له‌ ئه‌سفه‌هان له‌دایك بووه‌، له‌ ته‌مه‌نی 14 ساڵیدا وه‌ك خۆبه‌خش په‌یوه‌ندی به‌ به‌ره‌كانی خۆرئاواو دواترش باشوور كردوه‌ له‌ سوپای به‌سیج.

 له‌جه‌نگی هه‌شت ساڵه‌ی ئێران ـ عێراق له‌ نێو هێزه‌كانی به‌سیج چه‌ندین پله‌و پۆستی پێدراوه‌و رۆڵی به‌رچاوی هه‌بووه‌ له‌ فیرقه‌ی 14ی ئیمام حوسێن و فیرقه‌ی 8ی زریپۆشی  نه‌جه‌ف اشره‌ف.