ئەمڕۆ یەک شەمە ٢٠١٤/١٠/٠٦ هەڤاڵ رفعەت عەبدوڵا ئەندامی مەکتەبی سیاسی و سەرپەرشتیاری بازنەکانی بانگەشەی هەڵبژاردن لەسلێمانی بەهاوڕێیەتی هەڤاڵان، بێستون سابوراوایی و ڕێبوار ستار هەردوو بازنەی خەبات و توی مەلیکی بەسەرکردەوە و لەلایەن هەڤاڵان جوتیار نوری و جەزای سەید مەجید لێپرسراوانی هەردوو بازنەوە بەگەرمی پێشوازیکران.
لەو سەردانانەدا رفعەت عەبدوڵا دەستخۆشی لێکردن و داوایکرد ئەم ماوەیەی ماوە بۆ بانگەشەی هەڵبژاردن بانگەشەیەکی شارستانیانە و دوور لە بێزارکردنی خەڵک بەڕێوەبەرن و نمونەیەکی جوانی یەکێتی نیشان بدەن.
هەروەها تەئکیدی لەسەر ئامانجە گەورەکەی یەکێتی کردەوە کە کۆتاییهێنانە بەحکومەتی قۆرخکار و خۆسەپێن و رایگەیاند ڕاستکردنەوەی رێڕەوی حکومڕانی بەخەباتێکی دیموکراسیانە و شارستانیانە دەبێت، ئەویش خەباتی دەنگدانە و لەڕۆژی دەنگداندا ئومێدمانە یەکێتی زۆرترین دەنگ بەدەستبهێنێت.
هەر لەسەردانەکاندا رێنمایی پێویستی بەهەڤاڵان داو گوێبیستی پێشنیار و داواکاری هەڤاڵان بوو.
Copyright © 2020 Kirkuk Tv All Rights Reserved Designed And Developed By AVESTA GROUP