رۆژنامەیەکی ئیسرائیلی: شەڕی لوبنان رۆژانە 131 ملیۆن دۆلاری پێویستە

رۆژنامەیەکی ئیسرائیلی بڵاویکردەوە، تێچووی کوشتنی هەریەکە لە حەسەن نەسروڵا، ئەمینداری گشتیی پێشووی حیزبوڵای لوبنان و هاشم سەفیەدینی جێگرەوەی، لەسەرەتای مانگی ئەیلولدا لەلایەن ئیسرائیلەوە، 11 ملیۆن دۆلار بووە، رۆژانەش شەڕی لوبنان 131 ملیۆن دۆلاری پێویستە.
رۆژنامەی یەدیعۆت ئەحرۆنۆت، لە زاری بەرپرسێکی باڵای سوپای ئیسرائیلەوە بڵاویکردەوە، لە ماوەی تەنیا 20 چرکەدا بە مووشەکی وێرانکەر کە بەهاکەی شەش ملیۆن دۆلار بووە، هێرشکرایە سەر حەشارگەکەی حەسەن نەسروڵا و کوژرا.
ئاشکرایکردووە، بە هەمان جۆری مووشەک هێرشکراوەتە سەر ئەو ناوچەیەی باشووری لوبنان کە هاشم سەفیەدین، جێگرەکەی نەسروڵای تیادا کوژراوەو تێچووی هێرشەکەش پێنج ملیۆن دۆلار بووە.
لە راپۆرتی رۆژنامەکەدا ئاماژە بەوەکراوە، بودجەی 50 رۆژی رابردووی بەرەی باکووری ئیسرائیل لەگەڵ لوبنان بەرزبووەتەوە بۆ ملیار ملیار دۆلار.
وەک ورۆژنامە ئیسرائیلییەکە ئاشکرایکردووە، بودجەی شەڕی لوبنان رۆژانە بەردەوام لە بەرزبوونەوەدایە، بەشێوەیەک رۆژانە سوپای ئیسرائیل ناچارە بڕی 131 ملیۆن دۆلار خەرجبکات، ئەویش بەهۆی بانگهێشتکردنی چەند یەکەیەکی هێزی یەدەگی سوپای ئیسرائیل بۆ بەهێزکردنی بەرەی باکوور.