بڕیارە ئەمڕۆ پرۆژەیاسای هەڵوەشاندنەوەی بڕیارەكانی سەردەمی رژێمی پێشوو پەسەند بکرێت

ئەمڕۆ ئەنجومەنی نوێنەرانی عیراق سێ یاسا مشتومڕهەڵگرەکە پەسەند دەکات.
بڕیارە دوا نیوەڕۆی ئەمڕۆ ئەنجوومەنی نوێنەران لە دانیشتنی خۆیدا ئەو سێ یاسایەی، کە ماوەیەکە بەهۆی ناکۆکی لە نێوان شیعە و سوننە و کوردەوە یەکلانەکرابوونەوە، پەسەند بکات.
بەپێی کارنامەی دانیشتنەکە، لە تەوەری یەکەمدا دەنگ لەسەر هەمواری یاسای باری کەسێتیی عێراق و بڕگەی هەڵوەشاندنەوەی بڕیارەكانی سەردەمی رژێمی پێشوو دەدرێت کە پەیوەستە بە تەعریب لە كەركوك و دەوروبەری و گێڕانەوەی زەوییەكان بۆ خاوەنەکانیان کە كورد و توركمانەكانن.
هاوکات دەنگ لەسەر هەمواری دووەمی یاسای لێبوردنی گشتی دەدرێت.
ئەمە لەکاتێکدایە یەکشەممەی رابردووش دانیشتنی ئەنجومەنی نوێنەران بۆ هەمان مەبەست رێکخرابوون، بەڵام بەهۆی ناکۆکی لایەنەکانەوە دواخرا.