کەشناسیی هەرێم: پلەی گەرمی دادەبەزێت و کەشوهەوا دەگۆڕێت

بەڕێوەبەرایەتیی کەشناسیی هەرێم بڵاویکردەوە: لە سبەینێوە کەشوهەوا دەگۆڕێت و پلەی گەرمی دادەبەزێت.
لە راگەیەندراوی بەڕێوەبەرایەتیی کەشناسی و بومەلەرزەزانیی هەرێمدا هاتووە، ئەمڕۆ ئاسمان ساماڵ و پەڵە هەور دەبێت و پلەی گەرمی جێگیر دەبێت.
ئاشکراشیکرد: سبەینێ ئاسمان نیمچە هەور دەبێت و لە ناوچە شاخاوییەکان هەوری تەواو دەبێت، پلەی گەرما کەمێک نزم دەبێتەوە بەراورد بەتۆمارکراوەکانی ئەمڕۆ.
پێشبینیدەکرێت لە سبەی شەوە شەپۆلێکی بارانبارین هەرێم بگرێتەوە و بۆ ماوەی چەند رۆژێک بەردەوام بێت، بەڵام تا ئێستا کەشناسیی هەرێم هیچ زانیارییەکی لەبارەی ئەو شەپۆلەوە بڵاونەکردووەتەوە.
لەبارەی پلەی گەرمای سبەینێوە کەشناسی رایگەیاندووە پلەی گەرما بەشێوەیەکی گشتی دادەبەزێت و لە کەرکوکیش پلەی گەرما ٢٦ پلەی سیلیزی دەبێت.