غەریب ئەحمەد: هەوڵەکانی فراکسیۆنی یەکێتی بۆ ناردنی پارەی جوتیاران بەردەوامە

حکومەتی عیراق تائێستا نزیکەی 300 ملیار دینار گەنمی جوتیارانی بۆ هەرێم نەناردووە.
غەریب ئەحمەد ئەندامی لیژنەی کشتوکاڵ لە ئەنجومەنی نوێنەرانی عیراق بە راگەیاند: لەگەڵ نوێنەری جوتیارانی هەرێم سەردانی وەزیری دارایی و راوێژکاری سەرۆکایەتی کۆمار بۆ پرسی کشتوکاڵ کردووە، بەمەبەستی پێدانی شایستە داراییەکان بە جوتیاران کە تائێستا حکومەتی عیراق 288 ملیار دیناری جوتیارانی هەرێم قەرزارە.
ئاماژەی بەوەشکرد: بە هەوڵی فراکسیۆنی یەکێتی لە هەفتەی رابردوودا بڕی 45 ملیار دینار وەک شایستە داراییەکانی جوتیاران بۆ هەرێم نێردراوە، بەڵام تائێستا وەزیری بازرگانی هەرێم لەگەڵ ئەوەی هیچ هەڵوێستێکی نەبووە، هاوکات هاوکارمان نەبووە بۆ دابەشکردنی ئەو برە پارەیەی کە لە بەغداوە بۆ جوتیارانی هەرێم نێردراوە.
ئەوەیشی خستەڕوو: "فراکسیۆنی یەکێتی هەوڵەکانی بەردەوام دەبێت بۆئەوەی تەواوی شایستە داراییەکانی جوتیاران لە بەغداوە بۆ هەرێم بنێردرێت و لە هەموو ئەو سەردانانەیان کە نوێنەری جوتیارانی هەرێم بۆ بەغدا کردوویانە، هاوکاریان بووین و پشتیوانیان بووین".