هاوسەرۆكی پەیەدە: حكومەتی سوریا دەیەوێت ئیدارەی خۆسەر لەناو ببات

هاوسەرۆكی پەیەدە رایدەگەیەنێت، حكومەتی سوریا دەیەوێت خۆسەریی كورد لە خۆرهەڵات و باكوری سوریا لەناو ببات.
غەریب حەسۆ، هاوسەرۆكی  پارتی یەكێتی دیموكرات لە كۆنفڕانسی پرسی كورد و گۆڕانكارییەكانی رۆژهەڵاتی ناوەراست كە لە ئەسینای پایەتەختی یۆنان بەڕێوەچوو، سەرەڕای ئەوەی رەخنەی توندی لە پشتیوانییەكانی توركیا بۆ گروپە تیرۆستییەكان لە سوریا گرت، لە هەمانكاتدا هۆشداریدا لەوەی حكومەتی نوێی سوریا نیازی ئەوەی هەبێت كە ئیدارەی خۆسەری و خۆبەرێوەبەری  لە خۆرهەڵات و باكوری سوریا لەناو ببات.
وتیشی،  چەندین گروپی تیرۆستی هەن و توركیا بە راشكاوانە پاڵپشتیان دەكات كە ئامانجی سەرەكییان لەناوبردنی پرۆژەی دیموكراتی ئیدارەی خۆسەرە.
غەریب حەسۆ جەختی لەوەشكردەوە، ئەوان خوازیارن سیستەمێكی دیموكراتی لە سوریا بێتە كایەوە وە مافی گەلی كوردی بە رەسمی تیدا بناسرێت.