لە ئۆپراسیۆنێکی هاوبەشدا کە ماوەی دوو مانگی خایاندووە،
163 چەکداری داعش لە عێراق و سووریا کوژران و 33 سەرکردەی ئەو رێکخراوەش دەستگیرکراون.
فەرماندەیی ناوەندیی هێزەکانی ئەمریکا رایگەیاند،
"ئۆپراسیۆنێکی هاوبەشیان لە عێراق و سووریا لە دژی داعش دەستپێکردووە لە 29ـی
ئابەوە کە ماوەی دوو مانگ بەردەوامبووە".
فەرماندەیی ناوەندیی هێزەکانی ئەمریکا روونیشیدەکاتەوە
"لەو ئۆپراسیۆنەدا لە عێراق و سووریا، 163 چەکداری داعش کوژراون و 33 سەرکردەی
رێکخراوەکە لەسەر ئاستی باڵا و مامناوەند دەستگیرکراون".
هاوکات مایکل کۆرێلا، فەرماندەی ناوەندیی هێزەکانی
ئەمریکا رایگەیاندووە "لەگەڵ هاوبەشەکانمان لە هێزەکانی هاوپەیمانان و هێزە عێراقییەکان،
بەردەوامدەبین لە راوەدوونانی چەکدارانی داعش و پەکخستنی تواناکانیان لە بە ئامانجگرتنی
بەرژەوەندییەکانی ئەمریکا و هاوپەیمانەکانمان".
Copyright © 2020 Kirkuk Tv All Rights Reserved Designed And Developed By AVESTA GROUP