لەبەسڕە شەڕ لەسەر ٤ هەزار دینار دروستدەبێت و ناوبژیوانێک دەکوژرێت

لە شاری بەسرە لەسەر چوار هەزار دیناری عێراقی لەنێوان چەند کەسێکدا کێشە دروستبووە و دواتر شەڕەتەقە روویدا، بەهۆیەوە کەسێک کوژراوە كە لە هەوڵی ناوبژیدابووە و یەکێکی دیکەش بریندارە.
میدیاكانی عێراق، ئەمشەو لە زاری سەرچاوە ئەمنیەكانی بەسرەوە بڵاویانكردەوە، لە ناوچەی قیبلەی شاری بەسرە شەر لە نێوان خاوەنی فرۆشگایەك و كڕیارێكدا ڕودەدات  لەسەر  بڕی چوار هەزار دینار و داواتر شەڕەكە دەگۆڕیت بۆ پێكدادانی چەكداری.
ئاماژەی بەوەشكرد،  لەو كاتەدا كەسێك بەناوی نەسیب كە تەمەنی 35 ساڵانە و بەسەردان لە ماڵی خێزانی هاوسەرەكەی بووە لە نزیك شوێنی ڕووداوەكە، هەوڵی ناوبژی دەدات، بەڵام لە ئەنجامدا دەكوژرێت و كەسێكی دیكەش بریندار دەبێت.
ئاژەی بەوەشكرد، تەرمی كوژراوەكە گوازراوەتەوە بۆ پزیشكی دادوەری بەمەبەستی ئەنجامدانی ڕێكارە یاساییەكان و بریندارەكەش گوازراوەتەوە بۆ نەخۆشخانەی شارەكە.