ئەمڕۆ ٢٥ ی ١١ ی ٢٠٢٤ جەلال شێخ ناجی سەرۆکی ئاژانسی پاراستن و زانیاری / زانیاری لە بەغدا لەگەڵ قاسم ئەعرەجی راوێژکاری ئاسایشی نیشتمانیی عیراق کۆبووەوە .
لە کۆبوونەوەکەدا دووپات لە پێویستی بەردەوامی هەماهەنگییە هەواڵگری و ئەمنییەکان لە نێوان هەرێم و عیراق کرایەوە لە پێناو پاراستنی ئاسایش و ئارام و سەقامگیری زیاتر لە وڵاتدا .
هەر لە کۆبوونەوەکەدا دوا پێشهاتە ئەمنییەکان ، پرسی رووبەڕووبوونەوەی پاشماوەکانی تیرۆریستان و یاسا شکێنان و هەموو ئەوانەی دادگا داوایان دەکات تاوتوێکراو بڕیاری هاریکاری زیاتر لەنێوان هەردوولا درا بە ئاڕاستەی سەروەربوونی یاساو پاراستنی ئارامی و ژیانی خەڵک .
لە کۆبوونەوەکەدا جەلال شێخ ناجی سەرۆکی ئاژانسی پاراستن و زانیاری / زانیاری تەئکیدی لەبەردەوامی هەوڵەکانیان کردەوە بۆ پاراستنی ئاسایشی هەرێمی کوردستان و رایگەیاند بوونی پەیوەندی و بەرزکردنەوەی ئاستی هاریکارییە ئەمنییەکان فاکتەرێکی باشتر دەبێت بۆ رووبەڕووبوونەوەی پێشلکارییەکان و هەموو هەوڵەکانشیان لەچوارچێوەی یاسابەرکارەکاندا دەبێت بۆ رێگریکردن لەهەر یاسا شکێنییەک کە زیان بە ئاسایشی نەتەوەیی و خەڵکەکەمان بگەیەنێت و بە توندترین شێوەش رووبەڕووی ئەوانە دەبینەوە کە سنورەکانی یاسا دەبەزێنن .
Copyright © 2020 Kirkuk Tv All Rights Reserved Designed And Developed By AVESTA GROUP