ئەمەریکا: گروپە چەکدارەکان عیراق پەلکێشی شەڕ دەکەن

وتەبێژی وەزارەتی دەرەوەی ئەمریکا جەختدەکاتەوە گروپە چەکدارەکانی نزیک لە ئێران، عێراق پەلکێشی شەڕی ناوچەکە دەکەن.
ماسیۆ میلەر، وتەبێژی وەزارەتی دەرەوەی ئەمریکا لە کۆنگرەیەکی رۆژنامەوانییدا هۆشداری لە دۆخی عێراقداو رایگەیاند، چەند جارێک لەبارەی هێرشی گروپە چەکدارەکانەوە لەگەڵ حکومەتی عێراق گفتوگۆیان کردووە.
ئەوەشی ئاشکراکرد ئەمەریکا عێراقی لەبارەی مەترسیی ئەو گروپە چەکدارانە ئاگادارکردوەتەوە و وتی: ئەو گروپانە جموجوڵ لە دژی بەرژەوەندییەکانی عێراق دەکەن.
لەسەرەتای سەرهەڵدانی گرژییەکانی رۆژهەڵاتی ناوەڕاست و شەڕ لەنێوان بزوتنەوەی حەممای و ئیسرائیل، گروپە چەکدارەکانی عێراق وەک پشتگیرییەک بۆ فەڵەستین، هێرشەکانیان بۆسەر ئیسرائیل دەستپێکردوە، بەجۆرێک رۆژانەوە لە عێراقەوە چەندین هێرش بە فڕۆکەی بێ فڕۆکەوان بۆسەر ئیسرائیل دەکەن.