هێرشێکی موشەکی لە یەمەنەوە ناوەڕاستی ئیسرائیل دەکاتە ئامانج

سوپای ئیسرائیل ئه‌مڕۆ یەکشەممە ڕایگەیاند، زه‌نگی ئاگادارکەرەوە لە ژمارەیەک ناوچەی ناوەڕاستی ئیسرائیل دەنگی دایەوە، دوای ئەوەی موشەکێک ئاڕاسته‌كرا كه‌ دەستنیشانکرا  لە یەمەنەوە هه‌ڵدراوه‌.
سوپای ئیسرائیل لە ڕاگەیەندراوەکەیدا ڕونیکردوەتەوە کە موشەکەکە لە دەرەوەی ئاسمانی ئیسرائیل ڕێگری لێکراوە و تێكشكێنراوه‌.
ئەو ڕوداوەش لە چوارچێوەی پەرەسەندنی گرژییە ناوچەییەکان لە ڕۆژهەڵاتی ناوەڕاستدا دێت، لە کاتێکدا ترسی کاریگەریی هێرشە سنوربەزێنەکان لەسەر سەقامگیری ناوچەکە هەیە.
لە سەرەتای سەرهەڵدانی شەڕی غەززەوە لە ساڵی 2023، تاقمی حوسییەکانی یەمەن، موشەک و فڕۆکەی بێفڕۆکەوان بەرەو ئیسرائیل دەهاوێژن، ئەوەش وەک هاودەنگی لەگەڵ فەلەستینییەکان و دەڵێن، تا به‌رده‌وامی شه‌ڕی غه‌ززه‌ هێرشه‌كانیان ڕاناگرن.