كۆمكاری عەرەبی لە بارەی پێشهاتەكانی سوریاوە نیگەرانە

كۆمكاری عەرەبی نیگەرانی سەبارەت بە دوایین پێشهاتەكانی سوریا دەردەبڕێت و داوا دەكات رێز لە سەروەری و یەكریزی خاكی ئەو وڵاتە بگیرێت .
كۆمكاری عەرەبی راگەیەندراوێكی سەبارەت بە دوایین پێشهاتەكانی سوریا بڵاوكردەوە و تێیدا هاتووە: بە نیگەرانییەوە چاودێری پێشهاتەكان دەكەن و جەخت لە گرنگی پاراستنی سەروەری و یەكریزی خاكی سوریا دەكەنەوە.
ئاماژە بەوەشداوە: ئەحمەد ئەبو غێت ئەمینداری گشتی كۆمكاری عەرەبی نیگەرانە لە كاریگەریی پێشهاتەكان لەسەر مەدەنیەكان بەتایبەت ئەو دۆخە كە مەترسی دروستكردنی ئاژاوە و شڵەژانی زیاتر دروست دەكات و دواتریش لەلایەن گروپە تیرۆریستەكانەوە ئەو دەرفەتە دەقۆزرێتەوە بۆ دەستپێكردنەوەی چالاكیەكانیان.