ترەمپ: دەبێت تا 50 رۆژی دیکە بارمتەکانی ئیسرائیل ئازاد بکرێن

دۆناڵد ترەمپ سەرۆكی هەڵبژێردراوی ئەمریكا، هەڕەشە لە بزووتنەوەی حەماس دەکات و دەڵێت، تا 50 رۆژی دیكە بارمتە ئیسرائیلییەكان ئازاد نەكرێن، وەك ئەمریكا زەبرێكی “مێژوویی” لە بزووتنەوەكە دەدەن.
دۆناڵد ترەمپ لە سۆشیال میدیا بڵاویكردەوە، ئەگەر تا 50 رۆژی دیكەو وادەی دەستبەكاربوونی، بارمتە ئیسرائلییەكان ئازاد نەكەن، زەبرێكی مێژوویی لە بەرپرسانی حەماس دەدەن، بەشێوەیەک هیچ كەسێك لە مێژووی ئەمریكادا زەبری وای بەرنـەكەوتبێت.
ماڵپەڕی ئیكسیۆسی ئەمریكیش ئاشکرایدەکات، ترەمپ پێیــوابوو زۆربەی بارمتە ئیسرائیلییەكان لای حەماس لە كەرتی غەزە مردوون، تا ئەو کاتەی سەرۆكی ئیسرائیل تەلەفۆنی بۆ كردووەو داوای لێــكردووە كـــار بۆ رزگاركردنی بارمتە ئیسرائیلییەكان بكات.
بزووتنەوەی حەماس دوێنێ رایگەیاند، 33 بارمتەی ئیسرائیل لە ماوەی ڕابردوو بەهۆی شەڕەوە لە غەزە كوژراون، بەبێ ئەوەی رەگەزنامەكانیان ئاشكرابكەن.
بەپێی مەزندەی ئیسرائیل، لە كۆی 250 بارمتە هێشتا 100یان لە لای حەماسن.