ئەمڕۆ رۆژی جیهانی خاوەن پێداویستی تایبەتە

رسێی دیسەمبەری هەموو ساڵێک رۆژی جیهانی خاوەن پێداویستییە تایبەتەکانە و  رۆژەکە تایبەت کراوە بۆ روبەڕوبوونەوەی ئاڵنگاری بەردەم کەمئەندامان .
لە رۆژی 14-10-1992دا، نەتەوە یەکگرتووەکان بڕیارێکی پەسەندکرد و رۆژی 3ـی دیسەمبەری، وەک رۆژی جیهانی کەمئەندامان دیاریکرد.
بەپێی راپۆرتی رێکخراوی تەندروستی جیهانی، لە تەواوی جیهاندا 1.3 ملیار کەس کە دەکاتە 16%ـی کۆی دانیشتوانی جیهان بەجۆرێک لە جۆرەکان خاوەن پێداویستی تایبەتن و زۆربەیان دەکەونە ئەو وڵاتانەی رووبەڕووی جەنگ بوونەتەوە .
تا ئێستا ژمارەی دروستی کەمئەندامان لە عێراق نەزانراوە، دەکرێت لەدوای تەواوبوونی پڕۆسەی سەرژمێری ئامارێکی دروست بخرێتەڕوو، بەڵام ئەوەی تا ئێستا بەشێوەی ناڕەسمی هەیە، لە 12%ـی دانیشتوانی عێراق کەمئەندامییان هەیە .
لە هەرێمی کوردستاندا، سەرووی 90 هەزار کەمئەندام لە لیستی موچەدا تۆمارکراون، بەڵام بەقسەی سامان حسێن، سەرۆکی یەکێتی کەمئەندامان، زیاتر لە 125 هەزار کەمئەندام لە هەرێمی کوردستاندا بوونی هەیە .