ئیلهام ئەحمەد هاوسەرۆکی دەستەی پەیوەندییەکانی
دەرەوەی خۆبەڕێوەبەری ئیداره‌ی باكووری رۆژهه‌ڵاتی سوریا ڕایگه‌یاند، كاتێك گروپه
چه‌كداره‌كانی سه‌ر به توركیا چوونه‌ته ناو مه‌نبجه‌وه تاڵانی و كوشتیان ئه‌نجامداوه‌و
ئه‌وه‌ش وایكردووه خه‌ڵكی شاره‌كه ڕووبه‌ڕوویان بوونه‌ته‌وه .
ده‌شڵێت، "چاوەڕێی ئەوەمان نەدەکرد ڕوسیا و
ئێران بەو ئاسانییە سوریا بەجێبهێڵن".
ئیلهام ئەحمەد له‌میانی چاوپێكه‌وتنێكدا له‌گه‌ڵ
میدیاكانی رۆژئاڤای كوردستان ڕاشیگه‌یاند، "به‌گوێره‌ی رێككه‌وتننامه‌ی
ئاگربه‌ست ده‌بێت ته‌نها ئه‌نجومه‌نی سه‌ربازی مه‌نبه‌ج له شاره‌كه‌دا بێت و رێگه‌نادرێت
هێزه‌كانی ته‌حریر شارم بگه‌ڕێنه‌وه، پێویسته هه‌موو هێزه چه‌كداره‌كان له‌و
شاره‌دا بچنه ده‌ره‌وه و شاره‌كه له‌لایه‌ن ئیداره‌ی خۆیه‌وه به‌ڕێوه‌ببرێت".
ئاماژه‌ی به‌وه‌شكرد، گروپه چه‌كداره‌كان كاتێكدا
چونه‌ته ناو مه‌نبه‌جه‌وه تاڵانی و دزی و كوشتنیان ئه‌نجامداوه، ئه‌وه‌ش ئه‌وكاره‌یه
ساڵانێکه ئه‌نجامی ده‌ده‌ن، ئه‌وه‌ش وایكرد خه‌ڵكی شاره‌كه له دژیان بوه‌ستێته‌وه.
ئیلهام ئەحمەد باسی له گرنگی چاره‌سه‌ری سیاسی كردو
وتی، "ده‌بێت گه‌لانی سوریا گفتوگۆ ده‌ستپێبكه‌ن و برینی خۆیان ساڕێژ بكه‌ن و
پاشه‌ڕۆژێكی نوێ بۆ سوریایه‌كی نوێ دروستبكرێت".
Copyright © 2020 Kirkuk Tv All Rights Reserved Designed And Developed By AVESTA GROUP