بەڕێوەبەرایەتی نەهێشتنی ماددە هۆشبەرەكانی دەزگای ئاسایشی هەرێم بەهاوكاری بەڕێوەبەرایەتی ئاسایشی راپەرین دەستیان بەسەر دوو دەبەی ٣٥ لیتری ماددەی هۆشبەر لەجۆری ئەسید-دا گرت.
لەڕاگەیەندراوێكی دەزگای ئاسایشی هەرێم ئاماژه‌بۆئه‌وه‌كراوە: "شەوی ٢٠٢٤/١٢/١٧ لەسەر بوونی زانیاری هەواڵگریی پێشوەخت و لەئەنجامی بەدوواداچوونی هێزەكانی ئاسایش، بەبڕیاری دادوەری لێكۆڵینەوە لەناحیەی ژاراوە، دوای روبەڕوبوونەوەی چەكداری دوو بازرگانی ماددەی هۆشبەر دەستگیركران و دەستگیرا بەسەر دوو دەبەی ٣٥ لیتری ماددەی هۆشبەر لە جۆری ئەسید، كەتۆمەتباران بەنیازبوون ماددەكان بگوازنەوە بۆ هەولێر".
ئەوەش راگەیەندراوە: "لەئێستادا تۆمەتباران بە ماددەی ٢٥ لەیاسای بەرەنگاربوونەوەی ماددە هۆشبەرەكان و كارتێكارە ئەقڵییەكان راگیراون و لێكۆڵینەوە لەدۆسییەكانیان بەردەوامە".
Copyright © 2020 Kirkuk Tv All Rights Reserved Designed And Developed By AVESTA GROUP