پارێزگاری کەرکوک لە میانەی سەردانەکەی بۆ بەغدا لەلایەن سەرۆکی ئەنجومەنی باڵای ئیسلامی عیراقەوە پێشوازی لێکرا.
رێبوار تەها پارێزگاری کەرکوک سەردانی بەغدای کردو لە دیدارێکدا هومام حەمودی سەرۆکی ئەنجومەنی باڵای ئیسلامی عێراق پیشوازی لێکرد و پشتیوانی خۆی بۆ ئیدارەی پارێزگاکە دوپاتکردەوەو رایگەیاند: "ڕێباز و بیرکردنەوە و پلانەکانی پارێزگاری کەرکوک هەنگاو و ڕێبازی سەرۆک مام جەلال (ڕوحی شاد بێت) دەخاتەوە یادمان".
هەرلە میانەی دیدارەکەدا پارێزگاری کەرکوک هەوڵ و کاری لەپێشینەی ئیدارەی کەرکوکی خستەڕوو لە دانانی بناغەکانی پێکەوەژیان و خزمەتکردنی پێکهاتەکانی کەرکوک و خەمخۆرییان و کارکردن بۆ بەدیهێنانی سەقامگیری و ئارامی، لە ڕێگەی تیمێکی یەکگرتوو و ئیدارەیەک کە کار بۆ هەموو لایەک دەکات بێ جیاوازی".
Copyright © 2020 Kirkuk Tv All Rights Reserved Designed And Developed By AVESTA GROUP