دەوڵەتی یاسا ڕەتیدەكاتەوە مالیكی بە نیازبێت گروپی چەكداری پێكبهێنێت

یاسر مالیكی سەرۆكی فراكسیۆنی دەوڵەتی یاسا لە ئەنجومەنی نوێنەرانى عیراق لە پلاتفۆرمی ئێكس ڕەتیكردەوە، کە نوری مالیكی سەرۆكی هاوپەیمانییەكە ، بە نیازبووبێت گروپی چەكداری درووست بکات.
ئاماژەی بەوەشكردوە، ئەگەر مالیكی نیازی هەبوایە گروپی چەكداری درووست بکات، پشتگیریی هێزە ئەمنییەكانی نەدەكرد و قۆناغەكانی ڕابردووی دەقۆستەوە.
وتەكانی یاسر مالیكی لەدوای ئەوەدێت، كە ڕۆژنامەی ئەلخەبەری لوبنانی بڵاویكردۆتەوە،  نوری مالیكی بە نیازە گروپی چەكداری نوێ لە ژێر ناوی ڕۆڵەكانی دەوڵەت درووست بکات، ئەوەش لە ژێر ڕۆشنایی ئەو گۆڕانكاریانەی ئەم دواییە كە لە سوریا روویداوە، بەڵام لە ژێر فشاری وڵاتانی نێودەوڵەتی ئەو پلانەی وەستاندوە.