جیمی کارتەر 39یه‌مین سه‌رۆكی ئه‌مریكا كۆچی دوایی كرد

میدیاکانی ئەمەریکا کۆچی دوایی سەرۆکی پێشوتری وڵاتەکەیان لە تەمەنی 100 ساڵی راگەیاند.
ئۆفیسی جیمی کارتەر سەرۆکی پێشووتری ئەمەریکا و میدیاکانی وڵاتەکە کۆچی دوایی 39ـهەمین سەرۆکی وڵاتەکەیان راگەیاندو ئاماژە بۆ ئەوە دەکەن کە کارتەر یەکەمین سەرۆکی وڵاتەکە بووە کە لە مێژوی وڵاتەکە تەمەنی بگاتە 100 ساڵی و لە 1ـی ئۆکتۆبەر یادی ئەو تەمەنەی کردبوەوە.
لای خۆیەوە کۆشکی سپی ڕایگەیاند، جۆ بایدن بڕیاریداوه‌ کە 9ـی كانونی دوەمی 2025ی داهاتوو وەک ڕۆژی ماتەمینی نیشتمانیی دیاریکرد وەک ڕێزێک بۆ جیمی کارتەر.
جیمی کارتەر وەک سەرۆکی ئەمەریکا نێوەندگیریی ئاشتی لەنێوان میسر و ئیسرائیل ئەنجامدا، بەو هۆیەشەوە لە ساڵی 2002 بوە خاوەنی نۆبڵی ئاشتی بۆ کارەکانی، لە 19 مانگی رابردوشدا لە ویلایەتی جۆرجینای ئەمەریکا لە خانەی چاودێری بەساڵاچوان چاودێری چڕی تەندروستی دەکرا.
کارتەر لە ساڵی 1974 کاندیدبونی خۆی بۆ سەرۆکایەتی ئەمەریکا راگەیاند و لە ساڵی 1976 لە کۆنگرەی دیموکراتەکاندا دەنگی پێدرا بۆ بون بە کاندیدی سەرەکی ئەو حیزبە و لە هەمان ساڵێشدا وەک 39 هەمین سەرۆکی ئەمەریکا هەڵبژێردرا.