محەمەد سەڵاح گرێبەستێکى خەیاڵى بۆ پێشنیازکراوە

محەمەد سەڵاح گرێبەستێکى خەیاڵى بۆ پێشنیازکراوە
ئاکۆ بیبانى
محەمەد سەلاحى میسڕى لەبەردەم گرێبەستێکى خەیاڵیدایە کە دەبێتە باشترین گرێبەست لە مێژووى یاریکردنى لە لاکێشەى سەوزدا ، ئەمە لەکاتێکدا  لەدوا ساتەکانى ژیانى پیشەگەرێتدایە لە نێو یاریگاو  لە لایەن یەکێک لە یانە زەبەلاحەکانى رۆشنى سعودیەوە پێشکەشى دەکرێت ، ئەمەش بە تەواوى دەستەبەرى ژیانى پیشەگەرى فیرعەونە میسڕیەکە دەکات .
محەمەد سەڵاحى هێرشبەرى یانەى لیفەرپولى ئینگلیزى سەربارى ئەوەى تەمەنى 32 ساڵە بەڵام لەم وەرزەدا باشترین وەرزى پیشەگەرى خۆى بەرێدەکات و لە ئێستاشدا لە پرێمەرلیگ خاوەنى 18 گۆڵە و لوتکەى گۆڵکارانى خولەکەى گرتوەو بە دوو گۆڵ لە پێش ئێرلینگ هالاندى ڕکابەرێتى .
محەمەد سەڵاحى لە هاوینى ئەمساڵ بۆندەکەى لەگەڵ یانەى ریدز کۆتایی دێت و تاکو ئێستاش گفتوگۆکان لەگەڵ ئیدارەی یانەکە هیچ رێکەوتنێکى لێ نەکەوتۆتەوە ، سەڵاح دەیەوێت لە پرێمەرلیگ و یانە سورپۆشەکە بمێنێتەوە بۆ ئەمەش دوو مەرجى هەیە :
مەرجى یەکەم نوێکردنەوەى گرێبەستەکەیە بۆ ماوەى سی ساڵ
مەرجى دوەمیش زیادکردنى موچەى هەفتانەکەیەتى
هەرچى یانەى لیفەرپولە ئارەزوو دەکات ئەستێرە میسریەکە لە ریزەکانى یانەکە بهێلێـەوە بەڵام بۆ یەک وەرز ، ئەمەش سەلاحى توڕەکردوە .
لە هەوینى 2025  سەڵاح دەبێت بە یاریزانێکى ئازاد و هەر یانەیەکى بوێت دەتوانێت گفتوگۆیان لەگەڵ بکات ، باشترین بژاردەش کە یاریزانەکە بیرى لێکردۆتەوە هەڵبژاردەش  یانەى هیلالى سعودیە بەو پێیەى یەکێک لە گرێبەستە خەیاڵییەکانى پێشکەش دەکرێت جگە لەوەى دەتوانێت لە جامى جیهانى یانەکانى 2025 بەشدارى بکات کە زۆرێک لە ئەستێرە گەورەکان لەو پاڵەوانێتیە بەشدارى دەکەن لەسەرووى هەمویانەوە لێونێل مێسى ئەفسانە .
یانەى هیلالى سعودى دەمێکە ئارەزوى ئەوە دەکات محەمەد سەڵاح لە پاڵ ئەستێرە گەورەکانى دیکەى جیهاندا درێسى یانە شین پۆشەکە بپۆشێت ، سەڵاحیش لەوە تێگەیشتوە لە ڕووى کارگێرییەوە یانەى هیلال یانەیەکى گەورەیە و پاڵپشتى زەبەلاح دەکرێت ئەمە جگە لەوەى سەقامگیرى و ئارامى لە نێو ژووى جل گۆڕینى یانەکەدا هەیە .