سودانی بۆ ترەمپ: پێویستە رێز لە سەروەری عیراق بگیرێت

سەرۆك وەزیرانی عێراق رایگەیاند، پێویستە رێز لە یەكپارچەیی و سەروەری عێراق بگیرێت و دەست لە كاروبارەكانیدا وەرنەدرێت.
محەمەد شیاع سودانی سەرۆك وەزیرانی عێراق بەبۆنەی دەستبەكاربوونی وەك سەرۆكی نوێ ئەمریكا، نامەیەكی ئاڕاستەی دۆناڵد ترەمپ كرد و تێیدا ئەوەی پێراگەیاندووە، وێڕای پیرۆزباییمان بۆ دەستبەكاربوونت لە پۆستی سەرۆكی ئەمریكا، هەوڵەكانمان بە ئاڕاستەی بەهێزكردنی پەیوەندییەكانی نێوان عێراق و ئەمریكاش زیاتر دەکەین.
ئاماژەی بەوەشكردووە، تیشك دەخەینە سەر بەرژەوەندییە دوولایەنییەكان و كاری هاوبەش و جەختیش لە پاراستنی ئاسایشی نێودەوڵەتی و ناوچەكەش دەكەینەوە.
لەبارەی دەست وەردان لە كاروباری ناوخۆی عێراق، سودانی بە ترەمپی راگەیاندووە پێویستە رێز لە سەروەری عێراق بگیرێت و دەست لە کاروباریی ناوخۆیی وڵاتەكەمان وەرنەدرێت.