دۆناڵد ترەمپ، بڕیاری سەپاندنی سزای بەسەر دادگای نێودەوڵەتیی تاوان لە لاهای ئيمزاكردو رایگەیاند: دادگاکە بڕیار و ڕێوشوێنی یاسایی بێ بنەما دژی ئەمریکا و هاوپەیمانەکەی ئیسرائیل دەرکردوە.
بەپێی بڕیارەکە گەشتکردنی بەرپرسان و کارمەندانی دادگاکەو تەنانەت کەسوکاریان بۆ ئەمریکا قەدەغەکراوەو سەرجەم سەروەت و سامانەکانیان لە ئەمریکا بلۆک دەکرێت.
دادگای نێودەوڵەتیی تاوان لە 21 تشرینی دوەم فەرمانی دەستگیرکردنی بۆ هەر یەک لە سەرۆکوەزیرانی ئیسرائیل و وەزیری پێشوی بەرگری ئیسرائیل دەرکرد و هەر زوو، زۆرێک لە کۆمارییەکان و دیموکراتەکانی ئەمریکا، فەرمانی دەستگیرکردنیان ئیدانە کرد.
لە بەرامبەردا، دادگای نێودەوڵەتی تاوانەکان، ئەمڕۆ بڕیارەکەی دۆناڵد ترەمپی ئیدانە کرد و بەڵێنیدا، بەردەوامبێت لە گەیاندنی دادپەروەری لە سەرانسەری جیهاندا.
Copyright © 2020 Kirkuk Tv All Rights Reserved Designed And Developed By AVESTA GROUP