جێگری سەرۆکی هەرێم پێشوازی لە بەرپرسی نووسینگەی باڵیۆزخانەی کەنەدا کرد

 
 شێخ جەعفەر شێخ مستەفا، جێگری سەرۆکی هەرێمی کوردستان پێشوازی لە خاتوو تامی ئەیمس، بەرپرسی نووسینگەی باڵیۆزخانەی کەنەدا لە هەولێر کرد، کە بە مەبەستی ماڵئاوایی و تەواوبوونی ئەرکەکەی، سەردانی بەڕێز جێگری سەرۆکی هه‌رێمی کردبوو.

لە دیدارەکەدا، جێگری سەرۆک سوپاس و پێزانینی خۆی پێشکەش بە خاتوو تامی ئەیمس، بەرپرسی نووسینگەی باڵیۆزخانەی کەنەدا لە هەولێر کرد، لە بەرامبەر ئەرک و هەوڵەکانی لەپێناو برەودان بە پەیوەندییەکانی نێوان ووڵاتی کەنەدا لەگەڵ هەرێمی كوردستان، هەروەها هیوای سەرکەوتنی لە کاری داهاتوودا بۆ خواست.

لای خۆیەوە بەرپرسی نووسینگەی باڵیۆزخانەی کەنەدا، سوپاسی پاڵپشتی و هاریكاریی لایه‌نه‌ پەیوەندیدارەكانی هەرێمی كوردستانی له‌ كار و ئەرکەکانیدا كرد، هەروەها دووپاتی لە بەردەوامیی پەیوەندیی و هەماهەنگی ووڵاتەکەی لەگەڵ عێراق و هەرێمی کوردستان کردەوە.