پارێزگاری كه‌ركوك دوو رۆژ پشووی بۆ خوێندكاران راگه‌یاند

رێبوار ته‌ها پارێزگاری كه‌ركوك، بڕیاری دا، به‌هۆی دابه‌زینی پله‌كانی گه‌رماوه‌، دوو رۆژ له‌م هه‌فته‌یه‌دا له‌ ناوه‌نده‌كانی خوێندنی سه‌ره‌تایی و ناوه‌ندی و ئاماده‌یی بكرێت به‌ پشووی ره‌سمی.

به‌گوێره‌ی نوسراوێكی پارێزگای كه‌ركوك، بەهۆی دابەزینی پلەکانی گەرماوە و لە پێناو پاراستنی خوێندکاران، رێبوار تەها پارێزگاری کەرکوک، بڕیاریدا رۆژانی دوشەممە و سێشەممە لە خوێندنگاکانی سەرەتایی و ناوەندی و ئامادەیی و ستافی مامۆستایان پشو ره‌سمی بێت.


ئه‌مه‌ له‌كاتێكدایه‌ ماوه‌ی چه‌ند رۆژێكه‌ شه‌پۆلێكی به‌فر و بارانبارین ناوچه‌ جیاجیاكانی گرتۆته‌وه‌ و ئه‌مڕۆش پله‌كانی گه‌رما له‌ سفر پله‌ی سیلیزی نزم بونه‌وه‌ و پێشبینیده‌كرێت، له‌ دوو رۆژی داهاتو زیاتر پله‌كانی گه‌رمان نزم ببنه‌وه‌.