توركیا ئاماده‌یی بۆڕی گواستنه‌وه‌ی نه‌وتی نێوان عێراق و توركیا دووپاتده‌كاته‌وه‌و راشیده‌گه‌یه‌نێت كه ده‌یانه‌وێت به‌شێك له‌و نه‌وته‌ی به‌و بۆرییه تێده‌په‌ڕێت بۆ پاڵاوگه‌ی قه‌رق عه‌لعه بێت و به كه‌شتیش له ڕێگه‌ی جه‌یهانه‌وه بچێته پاڵاوگه‌كانی وڵاته‌كه.
ئاڵپ ئارسلان به‌یره‌قدار له‌لێدوانێكی رۆژنامه‌وانیدا ئاماژه‌ی بۆئه‌وه‌كرد:"بۆڕییه‌كه ماوه‌ی ساڵ و نیوێكه ئاماده‌یه‌و ده‌یانه‌وێت هێڵی بۆری توركیا-عێراق به‌كاربهێنرێت، به‌تایبه‌تی ئه‌و دو بۆرییه‌ی كه درێژییه‌كه‌یان 650 كیلۆمه‌تره له سلۆپیه‌وه بۆ جه‌یهان".
به‌یره‌قدار وتی: "ئێمه ده‌مانه‌وێت به‌شێك له‌و نه‌وته‌ی به‌م بۆرییه تێده‌په‌ڕێت بۆ پاڵاوگه‌ی قه‌رق عه‌لعه بێت و هه‌روه‌ها به كه‌شتی له ڕێگه‌ی جه‌یهانه‌وه بچێته پاڵاوگه‌كانی توركیا یان بۆ پاڵاوگه جیاوازه‌كانی جیهان بۆ ئه‌وه‌ی بتوانرێت زۆرترین سوود له‌و بۆرییه وه‌ربگیرێت".
باسی له‌وه‌شكرد: "پڕۆژه‌یه‌كی پلان بۆ داڕێژراو بۆ ڕێڕه‌وێكی بازرگانی له‌نێوان توركیا و عێراق ئاماده‌كراوه، به ناوی پڕۆژه‌ی ڕێگای گه‌شه‌پێدان، بریتییه له دروستكردنی بۆرییه‌ك كه ده‌گاته كه‌نداو، بۆ ئه‌وه‌ی نه‌وتی عێراق له ڕێگه‌ی توركیاوه بچێته بازاڕه جیهانییه‌كان".
Copyright © 2020 Kirkuk Tv All Rights Reserved Designed And Developed By AVESTA GROUP