دەستەی دەستپاکی عیراق گەڕاندنەوەی دوو تۆمەتباری دزی سەدەی لە کوەیتەوە راگەیاند و دووپاتیشی کردەوە پێشتر فەرمانی دەستگیر کردنیان هەبووە.
دەستەکە رایدەگەیەنێت:" دوو تۆمەتباری دزی سەدە لە دەوڵەتی کوەیتەوە گەڕێندرانەوە عیراق، کە بەرێوەبەری رێگەپێدراوی یەکێک لە کۆمپانیا ئەهلیەکان بۆ بازرگانی و بەڵێندەرایەتی گشتی و بریگرتەکەیەتی ، کە تۆمەتبارن بە کەیسی دزی سەدە".
ئاماژەی بەوەشکردوە:" رۆڵی ئەو دوو تۆمەتبارە ئەوە بووە کە پارەیەکی زۆریان وەرگرتووە، لە بەرامبەر ئاسانکاری لە خەرجکردنی پارە دزراوەکە".
دەستەی دەستپاکی لەبارەی ڕێکارەکانی خۆیانەوە ئەوەشی خستۆتە روو کە بریتی بووە لە " گێڕانەوەی تۆمەتبارەکان و ناردنی کەیسەکانیان بۆ سەرۆکایەتی داواکاری گشتی و هەماهەنگی لەگەڵ بەڕێوەبەرایەتی پۆلیسی عەرەبی و نێودەوڵەتی و باڵیۆزخانەی عیراق لە کوەیت ، کە بەهۆیەوە توانراوە فەرمانی گرتنیان بۆ دەربکرێت".
لە کۆتایشدا رایگەیاند:" پێشتر دادوەری دادگای لێکۆڵینەوەی دووی کەرخ پاڵپشت بە مادەی (11/444) لە یاسای سزادانی عیراقی فەرمانی گرتنی بۆ دەرکردبوون.
Copyright © 2020 Kirkuk Tv All Rights Reserved Designed And Developed By AVESTA GROUP