نرخی زێڕ لەجیهاندا لە بەرزبوونەوەدایە و نرخی دۆلار و نەوتیش لە دابەزیندایە

ئه‌مڕۆ سێشه‌ممه‌ نرخی زێڕ له‌بازاڕه‌كانی جیهان به‌رزبوه‌وه‌، لەبەرامبەردا دۆلار لەلاوازیدایە و خواست له‌سه‌ر په‌ناگه‌ی ئارام نرخی زێڕی زیاتر بەرزکردۆتەوە، هاوكات وه‌به‌رهێنه‌ران چاوه‌ڕوانی داتاكانی هه‌ڵاوسانن بۆ هه‌ڵسه‌نگاندنی سیاسه‌تی یه‌ده‌گی فیدراڵی ئه‌مریكا له‌ كاتێكدا ترسیان هه‌یه‌ له‌ په‌ره‌سه‌ندنی گرژییه‌ بازرگانییه‌كان و خاوبونه‌وه‌ی گه‌شه‌ی ئابوری ‌.
به‌گوێره‌ی بۆرسه‌ی جیهانی كانزاكان، نرخی زێڕی سپۆت به‌ ڕێژه‌ی 0.3% به‌رزبوەتە‌وه‌ .
تره‌مپ ڕۆژی سێشه‌ممه‌ 25%ی باجی نوێی له‌سه‌ر هاورده‌كردنی كاڵاكانی مه‌كسیك و كه‌نه‌دا سه‌پاند، له‌گه‌ڵ باجی نوێ له‌سه‌ر كاڵا چینییه‌كان، ئه‌مه‌ش نادڵنیایی له‌ بازاڕه‌كاندا دروستكردوە و نیگه‌رانیی له‌سه‌ر هه‌ڵاوسان و گه‌شه‌سه‌ندنی ئه‌مریكا دروستكردوە .
هاوکات، نرخی نەوتیش بەردەوامە لە دابەزین و نرخی بەرمیلێک نەوتی برێنت لە خوار ٦٩ دۆلار مامەڵەی پێوە دەکرێت .
لەهەرێمی کوردستان و عیراقیش نرخی دراوەکان جێگێرە و تەنها نرخی لیرەی سووری بەرەو خوار دەچێت، نرخی ١٠٠ دۆلاری ئەمریکیش بە ١٤٨ هەزار و ١٠٠ دینار مامەڵەی پێوەدەکرێت.