حوسییەکان پێکدادانیان لەگەڵ کەشتیی فڕۆکە هەڵگری ترومان ڕاگه‌یاند

گروپی ئەنساراللەی حوسیەکان لە یەمەن پێکدادانیان لەگەڵ کەشتیی فڕۆکەهەڵگری ترومانی لە دەریای سوور ڕاگەیاند.
وتەبێژی سەربازیی ئەنسارالله  لە یەمەن له‌ به‌یاننامه‌یه‌كدا ڕایگه‌یاند، "هێزی موشەکی و فڕۆکە بێفڕۆکەوانەکانمان لە دەریای سوردا لەگەڵ کەشتیی فڕۆکە هەڵگری ترومان توشی پێکدادان بوون".
ئاماژەی بەوەشکرد، "هێزە دەریاییەکانمان بە موشەکێکی بالیستی کەشتییەکی سەر بە کەشتیی فڕۆکە هەڵگری ترومانیان کردە ئامانج و  ئامانجکردنەکەش ڕێگری لە دوژمن کرد کە هێرشی شەڕانگێزانە بۆ سەر وڵاتەکەمان لە ماوەی چەند کاتژمێری ڕابردودا ئەنجامبدات".
وتیشی، تـــا دەستدرێژی بۆ سەر غەززە دەوەستێت و گەمارۆکە هەڵدەگیرێت، بەردەوامدەبین لە پشتیوانی و ئۆپراسیۆنەکانی بەرگری".