قوباد تاڵەبانی : کلدان و ئاشووری و سریان لە رەسەنترین پێکهاتەکانی کوردستان و عێراق و ناوچەکەن

بەبۆنەی جەژنی ئەکیتۆ و سەری ساڵی نوێی بابلی - ئاشووری ، قوباد تاڵەبانی پەیامێك بڵاودەكاتەوە 

دەقی پەیامەكە :

بەبۆنەی جەژنی سەری ساڵی بابلی – ئاشووری (ئەکیتۆ) گەرمترین پیرۆزبایی ئاراستەی خوشک و برایانی کلدان، ئاشووری و سریان لە کوردستان و عێراق و هەموو جیهان دەکەم و هیوای رۆژانێکی پڕ لە خۆشی و ئاشتی و ئارامییان بۆ دەخوازم.
کلدان و ئاشووری و سریان لە رەسەنترین پێکهاتەکانی کوردستان و عێراق و ناوچەکەن. کوردستان وەکچۆن شانازی بە مێژووی دێرینی پێکەوەژیانی هەموو پێکهاتەکانییەوە دەکات، لەمەودواش وەک لانکەی پێکەوەژیانی پڕ لە ئاشتی و ئارامی بۆ سەرجەم دانیشتوانەکەی دەمێنێتەوە.