هەرێم لە شەوێکدا توانای لە خۆگرتنی 100 هەزار گەشتیاری هەیە

کوردستان
11:27 - 2025-04-01

دەستەی گەشتوگوزاری هەرێمی کوردستان بڵاویکردەوە، بە بڕیار لە رۆژانی جەژندا دەبێت سەرجەم بنکە گەشتیارییەکان کراوەبن و دەشڵێت، هەرێمی کوردستان لە شەوێکدا توانای لە خۆگرتنی 100 هەزار گەشتیاری هەیە.
ئیبراهیم عەبدولمەجید، وتەبێژی دەستەی گەشتوگوزاری هەرێمی کوردستان، رایگەیاند، سێ هەزار و 100 شوێن و بنکە و کۆمپانیای گەشتیاری لە هەرێمی کوردستاندا هەیە .
وتیشی، لەو ژمارەیە نزیکەی هەزاریان خواردنگە و چێشتخانەن و 480 هۆتێل و 280 مۆتێل و هەروەها زیاتر لە 500یان کۆمپانیای گەشتیارین.
وتەبێژی دەستەی گەشتوگوزار ئاماژەی بەوەشکرد، لە پێنج ساڵدا بە سەرمایەی حەوت ملیار و 509 ملیۆن دۆلار وەبەرهێنان لە سێکتەری گەشتوگوزاردا کراوە .
ئیبراهیم عەبدولمەجید وتیشی، تەنیا لە ساڵی 2024ـدا 28 پرۆژەی گەورەی گەشتیاری بە سەرمایەی 322 ملیۆن دۆلار لە تەواوی هەرێمی کوردستان جێبەجێکراون .

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP