جیرۆم پاوڵ، سەرۆکی یەدەگی فیدراڵیی ئەمریکا ره‌خنه‌ی له بڕیاره‌كانی زیادكردنی باج گرت و رایگه‌یاندووه، زیادکردنی باج ده‌بێته هۆی هەڵاوسانی ئابوری، دۆناڵد ترەمپیش داوای لێكردووه سوودی بانکی كه‌مبكاته‌وه.
سەرۆکی یەدەگی فیدراڵیی ئەمریکا هۆشداریشیدا كه:" ئەو باجانەی دۆناڵد تره‌مپ سه‌باندوویه‌تی، بووه‌ته هۆی مەترسیی زیادبوونی بێکاریی و ئەگەریشی زۆرە هەڵاوسان زیادبکەن و گەشەی ئابووری خاوبکەنەوە".
ئاماژەی بۆئەوەشکردووە:" سەرباری زیادبوونی مەترسییە ئابوورییەکان، بەڵام هێشتا زووە بیر لە گۆڕینی سیاسەتی نەختینەیی بکرێتەوە."
ئه‌مه له‌كاتێكدا ترەمپ لە پۆستێکیدا لە تۆڕی کۆمەڵایەتیی ( تروس سۆشیال) دەڵێت:" ئێستا دەرفەتێکی ناوازە بۆ سەرۆکی یەدەگی فیدراڵی هاتووەتە پێشەوە تاوەکو سوودی بانکی کەمبکاتەوە، لەوکاتەوەی لە کانوونی دووەمی ئەمساڵشەوە گەڕاوەتەوە کۆشکی سپی هەڵاوسان داكشاوه".
Copyright © 2020 Kirkuk Tv All Rights Reserved Designed And Developed By AVESTA GROUP
