هێزه‌كانی پاراستنی گه‌ل (هەپەگە) ئاشکرای دەکات:
سه‌ره‌ڕای ئاگربه‌ست، هێرشەکانی توركیا بۆسەر هێزەکانیان لە مانگی ڕەمەزاندا بەردەوام
بووە.
ناوەندی ڕاگەیاندن و چاپەمەنی هەپەگە دەربارەی هێرشەکانی
دەوڵەتی تورکیا بۆ سەر گۆڕەپانەکانی گەریلا ڕاگەیاندراوێکی بڵاوکردەوە و رایگەیاند:
سوپای تورکیا لە 1ی ئادارەوە لەکاتی ڕاگەیاندنی ئاگربەست لەلایەن
پارتەکەمان (پەکەکە) به درێژایی مانگی ڕەمەزان بێوەستان هێرشی کردوەتە سەر هێزەکانمان،
هێزەکانمانیش بۆ خۆپاراستن وەڵامی هێرشەکانیان دایەوە.
ئاماژه‌ی به‌وه‌شكردووە: هێرشەکانی دەوڵەتی تورکیا
له ناوچەکانی هەرێمی گارە، گۆرەپانەکانی گردی زەنگەل و کون و هیرچێ و هەفتەباخ و کانی سەرکێ و دەشتی کافێ، گۆڕەپانی
بەرخۆدانی چیای بەهار، چەند ناوچەکی دیکە بووە و بەگشتی 1076 جار بە چەکی قورس و تۆپ
و هاوەن، ئەو ناوچانە تۆپبارانکراون.
ئه‌وه‌شی خستوه‌ته‌ڕوو: لە بەرامبەر ئەو
هێرشانەدا هێزەکانمان دوێنێ شه‌ممه لە هەرێمی شەهید دەلیلی ڕۆژئاوای زاپ، بە چەکی
نیمچە ئۆتۆماتیک وەڵامی داگیرکەرانیان داوەتەوە.
Copyright © 2020 Kirkuk Tv All Rights Reserved Designed And Developed By AVESTA GROUP