چین به‌ بڕی 34% باج ده‌خاته‌ سه‌ر كاڵا ئه‌مریكییه‌كان

جیهان
11:46 - 2025-04-05


له‌ چوارچێوه‌ی ركابه‌ریی ئابووری و شه‌ڕی گومركی، وه‌ك وه‌ڵامێك به‌ بڕیاره‌كانی سه‌رۆكی ئه‌مریكا بۆ سه‌پاندنی باج به‌سه‌ر كاڵاكاندا، لیژنەی گومرگی ئەنجوومەنی حكومەتی چین بڵاویكردەوە، لە ئەنجامی کاردانەوەی بڕیارەکانی سەرۆکی ئەمریکا لەبارەی باج خستنەسەر کاڵای چینی، وڵاتەكەیان بە بڕی ٣٤% باج دەخاتە سەر کاڵا  ئه‌مریكییه‌كان.

لیژنەی گومرگی ئەنجوومەنی حكومەتی چین لەبارەی سەپاندنی باج بەسەر كاڵای ئەمریكادا له‌ ڕاگەیەندراوێكدا ئاماژه‌ی بۆئه‌وه‌كردووه‌:" لەبەرامبەر بڕیاری دۆناڵد ترەمپ سەرۆکی ئەمریکا لەبارەی باج خستنەسەر کاڵای چینی، وڵاتەكەمان بڕیاریدا بەبڕی ٣٤% باج بخاتە سەر کاڵا ئه‌مریكییه‌كان"

  "ئەو کارانەی ئەمریکا دژی بنەما بازرگانییە نێودەوڵەتییەکانە و ماف و بەرژەوەندییە ڕەواکانی چین دەخاتە ژێر پرسیارەوە، بە چەوساندنەوەی تاکلایەنە هەژمار دەکرێت."  لیژنەی گومرگی ئەنجومەنی حكومەتی چین وا ده‌ڵێت.

 ئه‌مه‌ له‌كاتێكدا، بەپێی داتاکانی چین، لە ساڵی ڕابردوودا کۆی گشتیی هەناردەی کاڵای چین بۆ ئەمریکا ٥٠٠ ملیار دۆلاری تێپەڕاندووە.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP