کونسوڵی گشتیی ئەمریکا بەزمانی کوردی پیرۆزبایی جەژن لە موسڵمانانی هەرێمی کوردستان

بەبۆنەی هاتنی جەژنی رەمەزانی پیرۆزەوە، ستیڤ بیتنه‌ر، کونسوڵی گشتیی ئەمریکا لە هەرێم ، لە پەیامێکی ڤیدیۆیی دا بەزمانی کوردی پیرۆزبایی لە موسڵمانانی هەرێمی کوردستان دەکات و دەڵێت: بە بۆنەی جەژنی رەمەزانی پیرۆزەوە گەرمترین پیرۆزبایی ئاڕاستەی خەڵکی هەرێمی کوردستان دەکەم.

دەشڵێت: ئەم جەژنە بکەین بەهۆکارێک بۆ دۆزینەوەی رێگاکانی بەرەو پێشبردن و پەرە پێدان و بە هێزکردنی کۆمەڵگە.
کونسوڵی گشتیی ئەمریکا لە کۆتایشدا دەڵێت: هیوادارم ئەم جەژنە ببێتە دەرفەتێک بەرقەراربوونی ئاشتی و پێکەوە ژیان و پتەوکردنی سەقامگیری لەناوچەکەدا.