مەكتەبی سیاسی: یەكێتی داكۆكی لەمافەكانی پێكهاتە نەتەوەیی و ئایینیەكان دەكاتەوە

مەكتەبی سیاسی  یەكێتیی نیشتمانیی كوردستان، بەبۆنەی جەژنی ئەكیتۆ و سەری ساڵی نوێی بابلی – ئاشووریەوە، پیرۆزبایی گەرم ئاڕاستەی خوشك و برایانی كلدانی، ئاشووری و سریانی لە كوردستان و عیراق و جیهان دەكات و رایدەگەیەنێت: "یەكێتی وەك  هەمیشە  داكۆكی  لە مافەكانی گشت  پێكهاتە  نەتەوەیی  و  ئایینیەكانی  كوردستان  دەكاتەوە".

 دەقی پەیامەكە:
پیرۆزبایی  مەكتەبی  سیاسی  یەكێتی  بە  بۆنەی جەژنی  ئەكیتۆ وە 
 
بە  بۆنەی  جەژنی ئەكیتۆ  و سەری ساڵی نوێی بابلی ئاشورییەوە، پیرۆزبایی گەرم  ئاراستەی  گەلانی كلدانی، ئاشوری و سریانی  لەعێراق  و كوردستان دەكەین و هیوادارین  جەژنێكی  پڕ   لە شادی و بەختەوەری   ببەنە سەر.
 
لە پێناوی پتەوكردنی زیاتری گیانی پێكەوە ژیان لە كوردستاندا، یەكێتیی نیشتمانیی كوردستان   وەك  هەمیشە  داكۆكی  لە مافەكانی گشت  پێكهاتە  نەتەوەیی  و  ئایینیەكانی  كوردستان  دەكاتەوە  تا  بەو پەڕی  ئازادی و سەربەرزانە  گوزارشت لە   بۆنەو جەژنەكانیان  بكەنەوە.

دووبارە جەژنی ئەكیتۆ لەسەرجەم ئاشورییەكان پیرۆز بێت.
 
مەكتەبی سیاسی 
 یەكێتیی نیشتمانیی كوردستان