سەرۆکوەزیرانی پاکستان: هندستان هەوڵی پەرەسەندنی ململانێکان دەدات

حکومەتی پاکستان لە ڕاگەیەندراوێكدا بڵاویکردەوە، سەرۆک وەزیرانی وڵاتەكەی لە میانەی پەیوەندییەکی تەلەفونیدا لەگەڵ وەزیری دەوەوەی ئەمریکا، "هەوڵە شەڕانگێزەکانی  هندستان"ی سەرکۆنە کردو ئەو وڵاتەی  بە "ئیستفزازکردن" و "هەوڵی پەرەسەندنی ململانێکان"، تۆمەتبارکرد
لایخۆیەوە وەزارەتی دەرەوەی ئەمریکا ڕایگەیاند، ڕۆبیۆ پەیوەندی بە هاوتا هیندی و پاکستانییەکانیەوە کردوە و داوای لێیان کردوە "دۆخەکە خراپتر نەکەن".
‎پەیوەندییەکانی نێوان هەردو وڵاتی دراوسێی خاوەن چەکی ئەتۆمی تێکچوە، دوای ئەوەی نیودەلهی، ئیسلامی ئابادی ڕکابەری بە هۆکاری هێرشەکەی هەفتەی ڕابردو بۆ سەر هاوڵاتیانی مەدەنی لە شاری پاهالگام-ی ویلاتی كشمیر زانی کە لەلایەن هیندستانەوە بەڕێوەدەبرێت.
‎سەرچاوەیەکی باڵای حکومەتی هیندستانیش بە ئاژانسی فرانس پرێسی ڕاگەیاندوە، نارێندرا مودی، سەرۆکوەزیرانی هیندستان "ئازادییەکی تەواو"ی بە سوپای وڵاتەكەی بەخشیوە بۆ وەڵامدانەوەی هێرشەکە، ئەوەش لە میانی کۆبونەوەیەکی داخراودا لەگەڵ بەرپرسانی سەربازی و ئەمنی وڵاتەكەی.
لایخۆیەوە حکومەتی پاکستان، ڕەتیکردەوە هیچ پەیوەندییەکی بەو هێرشەوە هەبێت و ڕایگەیاند، "وەڵامێكی یەكلاكەرەوەمان بۆ هەر کارێکی شەڕانگێزانە دەبێت".

سەرۆکوەزیرانی پاکستان: هندستان هەوڵی پەرەسەندنی ململانێکان دەدات