مەکتەبی سیاسی یەکێتی پیرۆزبایی یادی دامەزراندنی کۆمەڵەی خوێندکارانی کوردستان دەكات

بەڕێزان هەڤاڵانی کۆمەڵەی خوێندکارانی کوردستان ، 
لە  یادی ٤۹ ساڵەی  دامەزراندنی  کۆمەڵە تێکۆشەرەکەتاندا گەرمترین  پیرۆزباییتان  ئاڕاستە  دەکەین.
کۆمەڵە لەرەوتی خەباتی پیشەیی ، دیموکراتی و نیشتمانیی خۆیدا هەمیشە پێشرەو و کارا و ئازابووە لە خزمەتی خوێندکارانی کوردستان و داکۆکیکردن لە ماف و پێداویستییەکانیاندا. ئەم رێکخراوە تێکۆشەرە کارگەی عەمەلی دروستکردنی کادێر و سەرکردەی بە توانابووە بۆ بزووتنەوەی سیاسیی کوردستان و کۆمەڵی کوردەواریدا.
لە ماوەی دوو ساڵی رابردووشدا کۆمەڵەکەتان  لە شێوازی نوێی کارکردنی بە پشتیوانی  و پاڵپشتی سەرۆک بافڵ    توانیویەتی هەنگاوی گرنگ  بنێت بۆ ئاڕاستەکردنیان  بەرەو داهاتویەکی چۆنایەتی گەشتر.
 
 بۆ ئایندەی کۆمەڵەی  خوێندکاران کە یەکێتیی نیشتمانیی کوردستان هیوا و ئومێدی لەسەر   هەڵچنیوە هیوادارین  بە دروستکردنی ڕایەڵە  لەگەڵ رەوتی تێکۆشانی خوێندکاری و جولەی ناوەندە ئەکادمییەکان لە سەرکەوتندا بن 

سەرکەوێ جولەی مۆدێرن و نوێباوی کۆمەڵەتان

   
پیرۆزە ساڵیادی دامەزراندتان و هەمیشە  سەرکەوتوبن