تەندرووستی کەرکوک: 207 هاوڵاتی بەهۆی تەنگەنەفەسییەوە رەوانەی نەخۆشخانە کراون

دەستەی کەشناسی و بومەلەرزەزانی عێراق رایگەیاند، شەپۆلی باران و خۆڵ ئەمڕۆ کۆتایی دێت و دۆخەکە ئاسایی دەبێتەوە.
سادق عەتییە، بەرپرسی بەشی پێشبینییەکان لە دەستەی کەشناسی عێراق رایگەیاند، لە هەندێک ناوچە هەوری باراناوی و شەپۆلی تۆز و خۆڵ تا ئێستاش بەردەوامە، پێشبینی دەکرێت ئەمڕۆ کاریگەرییەکەیان کۆتایی بێت و دۆخی کەشوهەوا ئاسایی بێتەوە.
ئاماژەی بەوەشکردوە، ئەمڕۆ کاریگەری شەپۆلی خۆڵبارین بەهۆی چالاکی با-ـەوە بەردەوام دەبێت، بەڵام کاریگەرییەکەی لاواز دەبێت و لەگەڵ کۆتایی هاتنی شەپۆلی خۆڵبارینیش پلەی گەرما کەمێک نزم دەبێتەوە.
چەند رۆژێکە شەپۆلێکی خۆڵبارین عیراقی گرتووەتەوە و دوێنێ شەپۆلەکە بە چڕی کەرکوک و هەرێمی کوردستانی گرتەوە و مەودای بینین یەکجار کەمبووەوە.
بە گوێرەی دواین ئاماری تەندرووستی کەرکوکیش بەهۆی ئەو خۆڵبارینەوە،  لە کەرکوک 207 هاوڵاتیی بەهۆی تەنگەنەفەسییەوە رەوانەی نەخۆشخانەکان کراون.